Te Rūnanga Nui

Home / Te Rūnanga Nui
I karangahia he hui ā-motu kia tū ki Kaiwhāiki i te awa o Whanganui, nā Uru Gardiner te reo karanga. I tū te hui i te marama o Poutūterangi, 1993. I tae te katoa o ngā whānau kura kaupapa Māori o taua wā. Nā taua hui i whakatū Te Rūnanga Nui o Ngā Kura Kaupapa Māori o Aotearoa.

Te Rūnanga Nui o Ngā Kaupapa Māori o Aotearoa

Ko Tā Pita Sharples KNZM CBE te tumuaki tuatahi. I whakatauria kia waru ngā rohe o te motu, ā, i whai wāhi ngā kura katoa ki te whiriwhiri ko wai ngā māngai ka noho ki Te Rūnanga Whāiti. I whakatauria ko Te Rūnanga Nui nei te kaitiaki o te kaupapa o te kura kaupapa Māori. I whakatauria, ko Te Aho Matua taua kaupapa matua. I whakatauria hoki me riro i Te Rūnanga Nui te mana whakahaere o ngā kura kaupapa – kia kaua e noho taua mana ki te kāwanatanga.

Ko Te Rūnanga Nui te ingoa whakarāpopoto o Te Rūnanga Nui o Ngā Kura Kaupapa Māori o Aotearoa.

Ko Tākuta Cathy Dewes ONZM te Tumuaki i tēnei wā.

TKKM o Hoani Waititi Marae – Whakatuwheratanga 1985

Tākuta Cathy Dewes ONZM  /  Tā Pita Sharples KNZM CBE

Te Rūnanga Whāiti

Ia tau, ia tau i te hui ā-tau o Te Rūnanga Nui ka whakatauria e ngā whānau Kura Kaupapa Māori he māngai mō tō rātou rohe. I tēnei wā, e whitu ngā rohe. Ka whiriwhiritia e ngā whānau te Tūmuaki me ngā māngai mōtuhake i te hui ā-tau.

E whaia nei ko ngā rohe me ngā māngai o Te Rūnanga Whāiti o te wā nei.

Tumuaki – Dr. Cathy Dewes ONZM

Kaitakawaenga – Hohepa Campbell

Māngai ā-rohe

 

Te HikuHemi Epiha
Tāmaki MakaurauLucy Te Moana
Te PukuHera Smith
Te Tai RāwhitiGerry Heeney
TaranakiMoana Kake Tuffley
Te Matau-a-MāuiVicki Peni
Te UpokoAna Tapiata
Te WakaTahu Paki

Ngā mema motuhake o te Te Rūnanga Whāiti

 

Māngai MotuhakeArni Wainui
Māngai MotuhakeArapine Walker
Māngai MotuhakeRawiri Wright

Ngā Kura Kaupapa Māori o Aoteroa