Ngā Tūranga Wātea

Te Rapu Kaimahi hou

Ko Te Rūnanga Nui te kaitiaki o Te Aho Matua. Ko ngā momo tāngata e rapu ana kua whai wheako i roto i tētahi whānau Kura Kaupapa Māori Te Aho Matua, nā reira e tino mōhio ana ia ki Te Aho Matua o ngā Kura Kaupapa Māori. Tērā pea, he mātua rānei ia, he raukura rānei ia i ngā rā ō mua.

Kei te kaha ia ki te whakahaere i a ia anō, hēoi anō, kei te kaha hoki ia ki te mahitahi me ētahi atu. Kei te tino mātau te kaitono angitū ki te tuhituhi me te kōrero i roto i te reo Māori. Kei te wātea ana te kaitono angitū ki te puta ki ngā hui ahakoa kei whea te hui e tū ana ki Aotearoa. He tūranga mahi i tōnā kāinga mō te nuinga o te wā te āhua o te mahi.

Kei te rapu Te Rūnanga Nui o ngā Kura Kaupapa Māori o Aotearoa i ētahi kaimahi hou. Ko ngā momo tāngata kaimahi o Te Rūnanga Nui he tāngata ngākau pono ki Te Aho Matua, ā, he tangata hihiko ki te mahi hei hiki i tō tātou kaupapa.

Ngā tūranga e wātea ana

Poumatua Papaho 1 FTE

Kaihono Kai Auaha 1 FTE (Content Creator)

Kaihono Tari Tautoko 2 FTE

Kaihono Tari Tautoko Hangahanga 1 FTE

 

Hei tono ki tētahi tūranga

Imera atu i a Trish Bevan ki tari@nullrunanga.co.nz mō te pukapuka tono me ngā whakamāramatanga anō mō te tūranga.

Poumatua Papaho Rā aukati 17 o Mei 2024

Kōtahi te tūranga

He tūranga tēnei hei whakarite, hei whakatū me te whakatinana i tētahi rautaki e ai ki te Mahere Rautaki a TRN ki te whakatinana i tētahi hōtaka mahi Pāpāho hei whakanui me te tiaki i te mana o Te Rūnanga Nui. Nā tāna mahi kua puta ki te ao whānui ngā kōrero papai mō Te Aho Matua me ngā mahi whakahirahira a ngā tamariki me ngā whānau o ngā Kura Kaupapa Māori. Kei te kaha hoki Te Rūnanga Nui ki te tuku kōrero urupare mō ngā take tōrangapū o te wā me te tuku kōrero e pā ana ki ngā kaupapa kei te whakahaeretia e Te Rūnanga i runga i ngā pae pāpāho pāpori, ā, niupepa, ā-pouaka whakaata, ā reo irirangi rānei

Ko te Paraire 3pm, te 17 o Mei 2024 te rā aukati mō ngā tono.

Imera atu i a Trish Bevan ki tari@nullrunanga.co.nz mō te pukapuka tono me ngā whakamāramatanga anō mō te tūranga.

Pouhono Kai Auaha – Rā aukati 17 o Mei 2024

Kōtahi te tūranga

He tūranga tēnei hei tautoko i te Poumatua Papaho o Te Rūnanga. Ko te tiaki, te whakahou me te waihanga i ngā momo whakairoiro, ā-ataata, ā-toi, ā-kiriata poto hei whakatairanga me te whakaratarata i te tini me te manomano kia aro ngākau nui mai ki ngā kai me ngā topenga matihiko (digital clips) kei ngā pae pāpaho pāpori whānui nui tonu a Te Rūnanga Nui.

Ko te Paraire 3pm, te 17 o Mei 2024 te rā aukati mō ngā tono.

Imera atu i a Trish Bevan ki tari@nullrunanga.co.nz mō te pukapuka tono me ngā whakamāramatanga anō mō te tūranga.

Kaihono Tari Tautoko – Rā aukati 31 Mei 2024

E rua ngā tūranga

He tūranga tēnei hei tautoko i ngā whānau Kura Kaupapa Māori ki te whakahaere i ō rātou kura e ai ki ngā mātāpono o Te Aho Matua. He nui ngā momo tūmahi hei āwhina i ngā whānau, pērā i ngā mahi e pā ana ki te tiaki tamariki, te whakarite māhere whakahaere i te kura, te tautoko i te Tūmuaki rānei i te Whānau rānei ki te whakatutuki i tētahi kaupapa motuhake hei whakatutuki i ō rātou moemoeā. Kei te wātea te kaimahi ki te toro atu i ngā whānau me te āwhina i ā rātou

Ko te Paraire 3pm, te 31 o Mei 2024 te rā aukati mō ngā tono.

Imera atu i a Trish Bevan ki tari@nullrunanga.co.nz mō te pukapuka tono me ngā whakamāramatanga anō mō te tūranga.

Kaihono Tari Tautoko Hangahanga – Rā aukati 31 Mei 2024

Kōtahi te tūranga

He tūranga tēnei hei tautoko i ngā whānau Kura Kaupapa Māori ki te whakatutuki i ō rātou hiahia mō ngā take hangahanga. Ko tāna mahi he toro atu ki ngā kura mō te whakarite mahere ki te whakatū i tō rātou kura hou, te āwhina rānei i ā rātou ki te whakatakoto mahere 5/ 10 ngā tau roa, te mahi tahi rānei ki ētahi mātanga hangahanga e āwhina i ngā whānau ki te whakatutuki i ngā kaupapa hangahanga kei te whaia e rātou.

Ko te Paraire 3pm, te 31 o Mei 2024 te rā aukati mō ngā tono.

Imera atu i a Trish Bevan ki tari@nullrunanga.co.nz mō te pukapuka tono me ngā whakamāramatanga anō mō te tūranga.