Ngā Tūranga Wātea
Kei te rapu Te Rūnanga Nui o ngā Kura Kaupapa Māori o Aotearoa i ētahi kaimahi hihiko ki te mahi wā kīkī i roto i tō tātou kaupapa.
E rima ngā tūranga wātea i tēnei wā. He tūranga wā kīkī ngā tūranga katoa.
- Kaiwhakangungu Pāngarau Tau 0-4 (Mei 2026 ki te mutunga o Tihema 2028)
- Kaiwhakangungu Pāngarau Tau 5-8 (Mei 2026 ki te mutunga o Tihema 2028)
- Kaiwhakangungu Reo Matatini (Mei 2026 ki te mutunga o Tihema 2028)
- Kaihono Puna Ora (Mei 2026 ki te mutunga o Tihema 2027)
- Kaihono Tautāwhi Tamariki (Mei 2026 ki te mutunga o Tīhema 2027)
Ko Te Rūnanga Nui te kaitiaki o Te Aho Matua. Ko ngā momo tāngata e rapu ana kua whai wheako hōhonu i roto i tētahi whānau Kura Kaupapa Māori Te Aho Matua, nā reira e tino mōhio ana ia ki Te Aho Matua o ngā Kura Kaupapa Māori. Tērā pea, he mātua rānei ia, he raukura rānei ia i ngā rā ō mua.
Kei te kaha ia ki te whakahaere i a ia anō, hēoi anō, kei te kaha hoki ia ki te mahitahi me ētahi atu. Ka tino mātau te kaitono angitū ki te tuhituhi me te kōrero i roto i te reo Māori. Kei te wātea te kaitono angitū ki te puta ki ngā hui ahakoa kei whea i Aotearoa e tū ana i ngā hui. He tūranga mahi i tōnā kāinga mō te nuinga o te wā te āhua o te mahi.
Ko te tūmanako ia ka āhei te kaimahi hou ki te tere tīmata i tāna tūranga. Ko te Paraire 3pm, te 1 o Mei te rā aukati mō ngā tono.
Mēnā ko koe tēnei, whakapā atu ki a Trish Bevan, trish@nullrunanga.co.nz mō te puka tono me ngā whakamāramatanga mō ngā tūranga nei.