He Pānui ki ngā whānau 21 Paengawhāwhā

Apr 21, 2020 | Featured

E ngā whānau Kura Kaupapa Māori Aho Matua, tēna koutou katoa.

Ko Rangi ki runga, ko Papa ki raro, nei rā te mihi manahou ki a rāua tae noa ki a rāua tamariki. Ka huri ki a rātou ki ngā mate kua hinga atu rā, haere atu rā. Āpiti hono tātai hono, ko rātou ki a rātou. Āpiti hono tātai hono ko tātou e te hunga ora, tēna tātou katoa.

Pae Arai Taumata Toru

Kei ia whānau tōna ake tino rangatiratanga

Inanahi i whakaputaina e te Pirimia ngā aratohu mō ngā tamariki ki te hoki atu ki te kura. Kei te māharahara nui ngā whānau katoa o te motu.

Hei tautoko i ngā kura e whakarite ana ngā kaimahi o TRN me ngā Māngai i tētahi hui ā-waea i ngā rā tata e tū mai nei kia whai wāhi ai ngā KKM o ia rohe ki te whakawhitiwhiti whakaaro. Ka whakapā te kaimahi o tō rohe ki a koe me te whakamōhio atu i te wā o tō hui ā-rohe mā humi (zoom).

Ka rerekē te mahere ahunga whakamua mō ia whānau KKM, nā reira kua whakatakotoria ētahi mātāpono hei āwhina i tō whānau.

Kei ia whānau tōna ake tino rangatiratanga
Ko te oranga me te haumarutanga o te whānau katoa he take nui i tēnei wā
Tiakina te hunga whakaraerae o tō whānau

Ahakoa te aha, ki te hiahia āwhina tō kura, tēna whakapā mai.

Te Hiku
Hohepa Campbell hohepa@nullrunanga.co.nz
Tāmaki Makaurau
Mahanga Pihama mahanga@nullrunanga.co.nz
Te Puku
Anahera Bowen anahera@nullrunanga.co.nz
Te Kāhui Mounga
Renee Wright renee@nullrunanga.co.nz
Te Waka
Renee Wright renee@nullrunanga.co.nz
Te Tai Rāwhiti
Sandy Walker sandy@nullrunanga.co.nz
Te Upoko o te Ika
Brenda Soutar brenda@nullrunanga.co.nz